Årets ferietur hadde me på hytta. Kort veg, men vekk frå kvardagen. Utan straum og innlagt vatn. Dårleg dekning på telefon og mobilnett.
Lange lyse kveldar, og seine late morgonar. Tunge sekker, grei sommarvarme, bading, fisking, pannekaker på bål, blåbær, småturar, utslitne støvlar og regnklede, knott, våte føter, kjeks og sjokolade, sol, ein del regn, tid til å lesa bøker (i fleirtal), gode minne.

 

Endelig hyttetur.
Den planlagde hytteturen ved skuleferiestart vart avlyst grunna fall frå taket. Dei to største ungane skulle plukka jordbær på taket, då storesøster plutseleg datt ned. For sikkerhets skuld fekk ho ein ambulansetur til sjukehuset for sjekk. Heldigvis var ingen ting brekt, men det var vondt å gå nokre veker etterpå. Nå er ho heilt fin att.

Sommaren har gått utruleg fort, og i morgon startar skulen att. Med avgjelde kyr klarte me å nytta siste rest av ferien til ein fjelltur. Værmeldinga var ikkje optimal, med utsikter til store nedbørsmengder. Men lengten etter fjellet var stor, og det våtaste været var venta til heimturen, så me la igjen tørre klær i bilen, tok fjellduken med til veslebror i tilfelle skikkeleg ruskavær, og gjekk av stad på søndag. Myrane var våte, og snart synte det seg at alle ungane hadde hol i støvlane. At me ikkje hadde oppdaga det før må vera eit teikn på ein tørr sommar, med for lite fjellturar...

Turen innover til hytta gjekk fint, litt sol, litt vind, litt sjokolade, nokre froskar - den eine fekk seg eit kyss, og ein treåring som gjekk heile vegen sjølv. Om kvelden sette me garn, som hadde åtte fine fiskar neste morgon.

Utpå dagen på mandag vart det dårlegare vær, og det heldt seg til me kom heim tysdag, med veldig variabel vind, og nokre intense byger, men ikkje så gale innimellom. Me fekk god bruk for ullkær og regnklær, og ingen snakka om bading. Me hadde masse god mat, og me fekk masse frisk luft.

 

Ei heilt utruleg flott helg til fjells!

Tenk så rike me er som kan gå til ei hytte i fjellet ei sånn hausthelg, og berre nyta det gylne landskapet, den friske lufta og det utruleg fine varme været. Då kan me tåla at mannen måtte heim for mjølking fredag kveld/laurdag morgon, og at han sprang etter nokre lam på dagen på laurdag.

Me fekk likevel utforska nærområdet, bygga varde på ein haug, ro på eit blikkstille vatn omgitt av solforgylte haustbjørker, setta garn og få raud og fin fjellaure...

 

Denne helga var me på hyttetur! Me gjekk opp fredag og heim søndag. På laurdag hadde Jostein eit prosjekt ilagmed ein bror og ein svoger med å frakta opp noko kledning som mangla. Elles har me testa hytta og kost oss masse. Me har fiska, bada, plukka blåbær, ete masse fisk, lest litt donald, steikt pannekaker og sprunge i hælane på Rakel som alltid var klar for eit bad.

Jonas fekk to fine aurar på stang rett nedføre hytta. Søndag trekte me garn og fekk 5 aurar.

Været var fint, og når sola kom fram mellom skyene var det varmt og.

Nå har eg hatt ferie i ei veke, og det har vore litt av ei veke.

Det mest dramatiske var branntilløp i fjosen. Brannalarmen virka, alle dyr var ute, og det var heldigvis bare vaskeautomaten i mjølkerommet som brant, så det gjekk eigentleg veldig godt. Med god hjelp av teknikarar, elektrikar og snill søster og svoger, så har me fått på plass lånt vaskar inntil vidare. Møkje styr, og slitsomt, sjølv om det gjekk så godt.

Elles har me hatt mykje kjekt. Jonas og Selia var med Jostein til fjells sist søndag på hyttebygging. Selia kom heim tysdag kveld, og laurdag reiste eg og jentene opp.
Me har hatt amerikabesøk, me har funne ei 'ny' strand ved sjøen og me har fått kyllingar i hønshuset (men me veit ikkje kor mange det er, for dei gøymer seg under vengene til høna).

Søndag hadde me 12års bryllupsdag! Det var ein fantastisk dag i fjellet, med sol, varme, bading, fisking...

Her syner Selia kor hytta er, den kvite flekken på neset i vatnet.

Jonas vart med heim i går, og Jostein følgde oss på vegen og bar sekken. Me fekk også følgje av Margreta som skulle heim.
Det gjorde verkeleg godt med ein fjelltur...

I går starta hyttebygginga for alvor. Gjetarbu til bror til Jostein. Fonnafly flaug materialer og inventar inn i fjellet.
Jonas imponerte med å bera 25kg tunge rullar bort i nettet.

Det vart ein skikkeleg våt ettermiddag, byger med styrtregn og hagl.