Jammen klarte me å komma oss på vintertur til hytta denne vinteren!

Me reiste litt før skulen slutta på fredagen, og fekk med oss solnedgang og skumring på vegen. Ned siste bratte bakken til vatnet, var det så mørkt at det var vanskeleg å sjå kor bratt det var, men det var ingen problem når me tok skia av og gjekk.

Hytta var iskald fredag kveld, så det var godt med ulltepper og tjukke dyner, men i løpet av laurdagen vart det dualeg varmt. Me koste oss med aking, snøholegraving, skitur, sol, god mat, varm hytte, og litt påskestemning på heimvegen på søndagen.

Hyttetur er aldri feil. Værmeldinga lovde vått vær laurdag og søndag, så me pakka og tok ut etter middag torsdag, etter at nokon av oss hadde vore på arbeid og i barnehagen. Deilig med lyse sommarkveldar som gjer dette mogleg. Me var inne ved hytta ca kl 22, så då vart det sein kveldsmat og godt å leggja seg.

Fredag gjekk me tur, plukka blåbær og sette garn. Ei stund kom sola fram, og då vart det så varmt at me måtte hiva av oss nokre klær. Nokon av oss vassa.

Laurdag trekte me garn. Fekk 12 fine fiskar som me steikte til lunsj, før me pakka og gjekk heimover.

Laurdag var det regnbyger som me var ganske heldige med, så me vart ikkje altfor våte. Ein flott tur denne gongen og.

Årets skitur til hytta hadde me denne helga. Eg og maen var oppe på onsdag med proviant, og fredag reiste heile familien. Strålande sol og nesten ikkje vind. Makalaust flott.
5-åringen bytta på å sitja i pulken og å gå sjølv på ski. 2-åringen sat godt i pulken, men syns det var kjekkast når dei sat der begge to.
Laurdag var me ute på tur, akte, øvde på ploging, grilla pølser på bål, fiska på isen, gravde snøhole mm.
Søndag gjekk me heim i skodde og yr. Og alle syns me hadde hatt ein flott tur.

Endeleg er det sommarferie frå kontorjobb og barnehage. Dei siste dagane har me hatt haustleg vær, så det kjennest ut som me har veldig sein ferie i år, men nå treng me i alle fall nokre veker i eit anna tempo.
Sist helg var me så heldige å få ein super hyttetur ilag med gode venner.

 

Me fann ut på torsdagen at me kunne klara å smyga inn ein tur før familieselskap laurdag kl 14. Så etter arbeid torsdag måtte me pakka til fjelltur og til selskap, og baka kake. Fredagen var flott. Laurdagen starta heimturen rett etter frukost for ungane og mødrene med dei minste på ryggen, medan fedrene tok oppvask, siste pakking og klargjering av hytta. Me fekk låna dusj i Etne før selskapet, og me var bare bittelitt seine til selskapet, men i god tid før maten..

 

Torsdag reiste me på hyttetur. Det var noko tung bør, med m.a. 10 liter beis, mat for 4 dagar og ein 2,5-åring som berre delvis gjekk sjølv på innoverveg og sov seg heimover. Men det gjekk godt. Det vart ei helg med mykje vèr, med ein skikkeleg varm fredag, mykje vind og tildels mykje nedbør fleire dagar og ein heil del torevêr. Me fiska, bada, rodde tur, plukka blåbær og spelte eindel yatzy. Det var godt å vera i fjellet, og litlajentå ville absolutt ikkje heim i går.