Sist veke slakta me 3 kyr. Resten av kyrne er bortreist på sommarferie på den garden me leiger, og kvigene har sommarbeite i utmarka. Så nå er det ganske roleg her heime. Berre nokre sauer, hønene, kattane og hundane som er rundt eller i tunet.
Sommaren er ennå ung, sa ungane her om dagen då dei ville bada litt meir. Men eg kan ikkje heilt sei meg enig i det. Det er eit anna drag i lufta, grågåsplogar har me sett fleire av, ferien min er slutt, andreslåtten er i god gang og skulestarten er rett rundt hjørnet.