Mykje kald vind og ennå mørke kveldar. Vinterkveldane er fine, når me berre har nok klær.
Mangt ser annleis ut med berre små porsjonar med lys.

Kvardagen er tilbake, bursdag er feira og vinteren er komen igjen. Stor begeistring når snøen endeleg kom igjen. Ikkje akkurat skiføre, men nok til å aka, og det er herleg å lufta seg ute i snøføyka.

Jul, fridagar, besøk her og der, mengder av mat, trege morgonar, late dagar, og masse regn og vind.

Eg har komme meg litt ut på tur. Kjem ikkje så langt for tida, men det gjer uansett godt med frisk luft. Slik kan det sjå ut innimellom bygene.

Og når ungane er med kan det sjå slik ut.

Eg vil ønskja dykk alle eit velsigna nytt år!

Kålrotstappa er i alle fall i rute.
Juletreet ventar på å få komma inn, nokre pakkar ventar ennå på innpakking, huset ser ut sånn omtrent bra nok, og klærne til i morgon finn me vel ut av. Bilen er i det minste ryddig, og i dag har me baka nokre fantastisk gode pepperkaker frå ny oppskrift. :)
Med ønskje om ei God Jul!

Etter eit forrykande vær med stengde vegar, straumstans i lange tider og godt med snø, fekk me ein strålande dag på laurdag. Ungane har venta lenge på snøen, så dei store var mykje ute i snøføyka på fredag òg, men laurdag var dei nesten ikkje til å få inn. Og det var ganske lurt, for etterpå har det regna.

Nå er det på tide med litt dyr igjen her på bloggen. Det har vel vore nok kjøkken for ei stund.
Dei store øver seg på mjølking, og det er ganske god hjelp å ha dei med seg i fjøset innimellom.

Bare litt meir kjøkken. Ein del av veggen er inntil vidare ein kunstvegg. Planen er å få opp ein fototapet med tida, men nå får ungane tegna på veggen. Bare her, og bare når me seier det er greit...