fredag 22. juli 2016


Hyttetur er aldri feil. Værmeldinga lovde vått vær laurdag og søndag, så me pakka og tok ut etter middag torsdag, etter at nokon av oss hadde vore på arbeid og i barnehagen. Deilig med lyse sommarkveldar som gjer dette mogleg. Me var inne ved hytta ca kl 22, så då vart det sein kveldsmat og godt å leggja seg.



Fredag gjekk me tur, plukka blåbær og sette garn. Ei stund kom sola fram, og då vart det så varmt at me måtte hiva av oss nokre klær. Nokon av oss vassa.




Laurdag trekte me garn. Fekk 12 fine fiskar som me steikte til lunsj, før me pakka og gjekk heimover.





Laurdag var det regnbyger som me var ganske heldige med, så me vart ikkje altfor våte. Ein flott tur denne gongen og.





onsdag 22. juni 2016

Nytt fjellbeite, for oss og våre sauer, på makalause Hardangervidda.
I fjor var første året vårt i eit beitelag på Hardangervidda, men på grunn av store snømengder kom ikkje sauene til fjells her i fjor. Laurdag var dagen for fjellsending.

Starten heimefrå vart nokre timar seinare enn først tenkt, og med fire timar kjøring var klokka halv fire då me byrja å gå med sauene. Me reiste til fjells ilagmed ein flokk som går i same området som våre skal vera. Mange av sauene i den andre flokken er kjende i beitet, men der var også eindel fjorårslam som ikkje hadde vore der før. Heldigvis er denne bonden veldig godt kjent. Oppover første bakkane gjekk det noko seint, med mange sauer som ikkje visste kor dei skulle, godt beite som frista svoltne sauer, ein Vegvisar som gjekk føre og viste veg men måtte hjelpa til å jaga, eg, Bonden og Hjelparen som ikkje visste vegen, og to hundar som også hjelpte til så godt dei kunne.

Då me kom lengre opp gjekk det noko lettare, sjølv om sauene stadig gjekk litt her og der, og me ikkje alltid kunne sjå fram til vegvisaren kor ferda skulle gå.

Sola skein og det var varmt. Fantastisk flott landskap å gå i. Eg gjekk der og gleda meg over alt det flotte. Og eg tenkte på at når me var komne fram med sauene, skulle det bli godt med ein god matpause i sola før me snudde heimover.




Etter kvart vart det mykje snøfenner, skodde og regnbyger.


Då ville ikkje sauene gå. Dei ville ikkje gå utpå snøen, og når me fekk dei utpå snøen søkte dei mot kanten i staden for å følgja vegvisaren over fennene. Kanskje ikkje så løye når dei ikkje såg anna enn snø, og ikkje visste kor dei var på veg.

Vegvisaren står på venstre sida framfor flokken.


Skodda letta noko, me kom fram der me skulle, og me kunne sjå korleis det var der.


Eg trur sauene får ein flott sommar på fjellet. Nokre har me radiobjødler på, så me veit at dei framleis er der dei skal vera.
Bonden og hjelparen hadde med seg telt og soveposar, for dei ville ikkje heim att før søndagen. Eg følgde vegvisaren ned att til bilen, der me kom litt før elleve om kvelden. Godt med lange lyse sommarkveldar, og veldig korte netter, det var lyst igjen før eg var heime.

Det vart ein lang dag, med ein fantastisk flott og innhaldsrik tur. Vegvisaren, Bonden, Hjelparen og hundane gjorde ein kjempejobb. Og eg gjorde så godt eg kunne.
TAKK for turen!



søndag 12. juni 2016


I går var dagen for å følgja sauene til fjells. I alle fall nokon av dei. Me reiste mannsterke; bonden, eg, størstejenta og toåringen, i tillegg til King.


Sauene var klare for fjellet, og dei gjekk fint.





Toåringen var skeptisk då me lesste sauer i bil og hengar heime, men frå eg svingde bæremeisen opp på ryggen var han begeistra. Han sat med god utsikt, peikte på sauene og snakka og fortalde; pappa der e hauer. Han er ekko for tida, og var ivrig på å ropa høgre og dekk til King. Han såg på lamma som hoppa innimellom og fann fort ut at det var kjekt å sitta og hoppa i bæremeisen..








Då me gjekk nedover til bilen etterpå var toåringen litt bekymra for at sauene var igjen på fjellet, han ville helst hatt dei med heimatt. Og då bonden spurde han i dag om me skulle til fjells med sauer i dag og, var han heilt klar for tur. Ikkje akkurat blid då han forstod at det ikkje var aktuelt...










tirsdag 19. april 2016


Hanen vår er ganske staselig, men syng på siste verset sidan han går til angrep på 2-åringen og 5-åringen. Foreløpig får han ikkje gå fritt i hagen.

Desse søte små har derimot mange fine dagar å sjå fram til.




tirsdag 22. mars 2016

Etter fire veker i spenning kom det pipelydar frå rugemaskinen vår, og det vart hol i det første egget. Desverre hadde den første kyllingen problemer, og den døde då den var komen ut av egget. Dagen etter kom neste. Denne var ut av egget på ein liten time, og den er frisk og rask.
Og så skjedde det ikkje meir med resten av egga. Så nå har me ein einsleg kalkunkylling, ein liten maskot. Den får bli innomhus ei stund til, og så får me håpa den blir venn med hønene etter kvart.


mandag 14. mars 2016



Årets skitur til hytta hadde me denne helga. Eg og maen var oppe på onsdag med proviant, og fredag reiste heile familien. Strålande sol og nesten ikkje vind. Makalaust flott.
5-åringen bytta på å sitja i pulken og å gå sjølv på ski. 2-åringen sat godt i pulken, men syns det var kjekkast når dei sat der begge to.
Laurdag var me ute på tur, akte, øvde på ploging, grilla pølser på bål, fiska på isen, gravde snøhole mm.
Søndag gjekk me heim i skodde og yr. Og alle syns me hadde hatt ein flott tur.












mandag 8. februar 2016


Me er ikkje van med så mange snødagar her, så me prøver å nytta snøen så snart den kjem. Denne veka var den innom, men vermeldinga sa regn neste dag. Difor fann me ut at me måtte ha oss ein kveldstur etter at dei små var i seng.